Testi

O' billoco l'acqua

Autore   Joe Sarnataro
Compositore   Joe Sarnataro
Editore   Edizioni Musicali Cinquantacinque
Pareva ca ce steve ‘o sole
po’ all’intrasatta ‘o cielo blù
è addiventato niro niro
nun s’è capito niente cchiù
...?o billoco l’acqua! ‘O billoco l’acqua!...

Era passato miezo juorno
e stevemo pe ce assettà
Ma so arrivate lampe ‘e tuone
apposta pe ce ‘ntussecà!

E fuje fuje accà, fuje fuje allà
ognuno cerca scampo pe s’arriparà
e fuje fuje a coppa, e fuje fuje a sotto
fuimmuncenno pure nuie
levammoce a miezo ‘e botte!....

Niue eremo comme duie frate
e stevemo pe c’abbraccià
ma è stata na parola ‘e troppo
e mo’ c’avimmo appiccecà
... ‘O billoco l’acqua!...

Nuie eremo tutte cumpagne
e bello e buono ma chedè
mo’ c’azzannammo uno cu n’ato
nun ce putimmo ‘cchiù avverè
...’O billoco l’acqua!...